USQUE AD FINEM. ОРДЭН ГАНАРОВАГА ЛЕГІЁНА СТАНІСЛАВА ШУМСКАГА (2022)
Артыкул прысвечаны адной з найбольш цікавых старонак ранняй біяграфіі Станіслава Шумскага (1790–1871), вядомага мемуарыста і дзеяча вызваленчага руху ў Беларусі.
Ён быў удзельнікам вайны 1812 г. на баку Напалеона. Узнагароду – крыж Ганаровага легіёна – ён заслужыў за Барадзінcкую бітву, але атрымаў яго толькі ў 1814 г. пасля адступлення і рускага палону. Пры дапамозе выяўленых аўтарам у Ваенным архіве Францыі дакументаў аднаўляюцца дэталі ўзнагароджання С. Шумскага і акалічнасці яго ўдзелу ў вайне 1812 г.